ഘടകസ്ഥാപനങ്ങള്
ആരോഗ്യകേന്ദ്രങ്ങൾ
കാട്ടാക്കട കമ്മ്യൂണിറ്റി ഹെല്ത്ത് സെന്റര്, വീരണകാവ് കുടുംബാരോഗ്യകേന്ദ്രം, പൂവച്ചല് ആയുർവേദ ആശുപത്രി, പൂവച്ചല് ഹോമിയോ ആശുപത്രി എന്നിവയാണ് നമ്മുടെ ഗ്രാമപഞ്ചായത്തിന്റെ പ്രധാന ചികിത്സാകേന്ദ്രങ്ങൾ. ജനങ്ങളുടെ അടിസ്ഥാന ആരോഗ്യപരിപാലന ആവശ്യങ്ങള് നിറവേറ്റുന്നതിനായി പ്രവര്ത്തിക്കുന്നത് സര്ക്കാര് ആരോഗ്യസ്ഥാപനങ്ങളാണ്. അലോപതി, ആയുര്വ്വേദം, ഹോമിയോ ചികിത്സ വഴി രോഗപ്രതിരോധം, രോഗനിര്ണയം, ചികിത്സ, ആരോഗ്യബോധവല്ക്കരണം എന്നിവ ഈ ആരോഗ്യകേന്ദ്രങ്ങളുടെ നേതൃത്വത്തില് നടക്കുന്നു. ജനങ്ങള്ക്ക് സൗജന്യമായും ഗുണമേന്മയുള്ളതുമായ ആരോഗ്യസേവനങ്ങള് ലഭ്യമാക്കുക എന്നതാണ് കേന്ദ്രങ്ങളുടെ പ്രധാന ലക്ഷ്യം. സമൂഹത്തിന്റെ ആരോഗ്യവും ക്ഷേമവും മെച്ചപ്പെടുത്തുന്നതിനായി വിവിധ ആരോഗ്യപരിപാടികളും സേവനങ്ങളും ഈ സ്ഥാപനങ്ങള് മുഖേന നടപ്പിലാക്കുന്നു.
പൂവച്ചല് ഗവ.ഹോമിയോ ആശുപത്രി
ഗ്രാമപഞ്ചായത്തിന് കീഴിലുള്ള ആയുഷ് NHM ഹോമിയോ പ്രാഥമികാരോഗ്യകേന്ദ്രം, പൂവച്ചല് നിലവില് വാടക കെട്ടിടത്തിൽ പ്രവർത്തിക്കുന്നു. ഹോമിയോ ആശുപത്രിയിൽ ഒരു ഡോക്ടറും പഞ്ചായത്ത് നിയമിച്ച ഫാർമസിസ്റ്റുമാണ് ജീവനക്കാരായി സേവനമനുഷ്ഠിക്കുന്നത്.
ലഭിക്കുന്ന സേവനങ്ങൾ
- സൗജന്യ രോഗ പരിശോധനയും മരുന്ന് വിതരണവും
- പകർച്ചവ്യാധിക്ക് പ്രതിരോധ മരുന്ന്
- മെഡിക്കൽ ക്യാമ്പ്
- ആരോഗ്യ ബോധവൽക്കരണ ക്ലാസ്
- ചികിത്സിച്ച രോഗികൾക്ക് മെഡിക്കൽ സർട്ടിഫിക്കറ്റ്
|
പൂവച്ചല് ഗവ.ആയുർവേദ ആശുപത്രി
ഗ്രാമപഞ്ചായത്തിന് കീഴിലുള്ള ആയുര്വ്വേദ പ്രാഥമികാരോഗ്യകേന്ദ്രം പൂവച്ചല് സ്വന്തം കെട്ടിടത്തിൽ പ്രവർത്തിക്കുന്നു. ആയുര്വേദ ആശുപത്രിയിൽ ഒരു ഡോക്ടറും ഫാർമസിസ്റ്റും മറ്റു ജീവനക്കാരും ഉള്പ്പെടെ 6 പേര് ജീവനക്കാരായി സേവനമനുഷ്ടിക്കുന്നു.
ലഭിക്കുന്ന സേവനങ്ങൾ
- സൗജന്യ രോഗ പരിശോധനയും മരുന്ന് വിതരണവും
- പകർച്ചവ്യാധിക്ക് പ്രതിരോധ മരുന്ന്
- മെഡിക്കൽ ക്യാമ്പ്
- ആരോഗ്യ ബോധവൽക്കരണ ക്ലാസ്
- വിവിധ സർട്ടിഫിക്കറ്റുകള്
- യോഗ ക്ലാസുകള്
- പാലിയേറ്റീവ് ഹോം കെയര്
|
വീരണകാവ് കുടുംബാരോഗ്യകേന്ദ്രം
ഇ-ഹെൽത്ത് പദ്ധതി നടപ്പിലാക്കിയ കുടുംബാരോഗ്യ കേന്ദ്രത്തില് 2 ഡോക്ടർമാരടക്കം 20 ജീവനക്കാരും 8 NHM ജീവനക്കാരും ആര്ദ്രം പദ്ധതിയിലുള്പ്പെടുത്തി ഒരു ഡോക്ടറും ഒരു ഫാര്മസിസ്റ്റും 41 ആശവര്ക്കര്മാരും സേവനമനുഷ്ഠിക്കുന്നു. ഇവിടെ നിന്നും ഇതിന്റെ 8 സബ് സെന്ററുകളിൽ നിന്നുമായി ഔട്ട് പേഷ്യൻ്റ് സേവനം, ജീവിതശൈലി രോഗ നിർണയം, പ്രതിരോധ കുത്തിവെപ്പുകൾ, വയോജന പരിപാലനം, കൗമാരക്ലിനിക്ക്, മാനസികാരോഗ്യക്ലിനിക്, ഗർഭകാല പരിചരണം, മലമ്പനി-ക്ഷയരോഗ നിർണയം, ലാബ് സൗകര്യം എന്നിവ ജനങ്ങൾക്ക് ലഭിച്ചുവരുന്നു. പാലിയേറ്റീവ് പരിചരണത്തിനായി ഒരു നഴ്സും ആംബുലൻസ് സംവിധാനവും ഏർപ്പെടുത്തിയിട്ടുണ്ട്.
ലഭിക്കുന്ന സേവനങ്ങൾ
- സൗജന്യ രോഗ പരിശോധനയും മരുന്ന് വിതരണവും
- പകർച്ചവ്യാധിക്ക് പ്രതിരോധ മരുന്ന്
- മെഡിക്കൽ ക്യാമ്പ്
- ആരോഗ്യ ബോധവൽക്കരണ ക്ലാസ്
- വിവിധ സർട്ടിഫിക്കറ്റുകള്
- യോഗ ക്ലാസുകള്
- പാലിയേറ്റീവ് ഹോം കെയര്
- ആരോഗ്യ ക്ഷേമ കേന്ദ്രം
- NRHM പ്രവർത്തനങ്ങൾ
- ഡയാലിസിസ് രോഗികൾക്ക് ധന സഹായം
- രോഗ നിർണയം
- ജാഗ്രത കൗൺസലിംഗ് സെൻ്റർ
|
ആലമുക്ക് ഗവ.വെറ്ററിനറി ആശുപത്രി
പൂവച്ചല് ഗ്രാമപഞ്ചായത്തിന് കീഴിലുള്ള ആലമുക്ക് വെറ്ററിനറി ആശുപത്രി സ്വന്തം കെട്ടിടത്തിൽ പ്രവർത്തിക്കുന്നു. മൃഗങ്ങളുടെ ആരോഗ്യസംരക്ഷണം, രോഗനിർണയം, ചികിത്സ, പ്രതിരോധ കുത്തിവെപ്പുകൾ തുടങ്ങിയ സേവനങ്ങൾ ആശുപത്രിയിലൂടെ ലഭ്യമാക്കുന്നു. ആശുപത്രിയിൽ ഒരു സീനിയർ വെറ്ററിനറി സർജൻ, ഒരു ലൈവ്സ്റ്റോക്ക് ഇൻസ്പെക്ടർ, ഒരു അറ്റൻഡർ, ഒരു പാർട്ട് ടൈം സ്വീപ്പർ എന്നിവർ സേവനമനുഷ്ഠിക്കുന്നു. കൂടാതെ വീരണകാവ് ഒരു വെറ്ററിനറി സബ് സെന്ററും പ്രവർത്തിക്കുന്നുണ്ട്. അവിടെ ഒരു ലൈവ്സ്റ്റോക്ക് ഇൻസ്പെക്ടറും ഒരു കാഷ്വൽ പാർട്ട് ടൈം സ്വീപ്പറും സേവനമനുഷ്ഠിച്ച് പ്രദേശത്തെ കന്നുകാലി വളർത്തൽ മേഖലയ്ക്ക് ആവശ്യമായ സേവനങ്ങൾ ലഭ്യമാക്കുന്നു. കൂടാതെ മൊബൈല് വെറ്റിനറി യൂണിറ്റും പ്രവര്ത്തിക്കുന്നു.
ലഭിക്കുന്ന സേവനങ്ങൾ
- സൗജന്യ രോഗ പരിശോധനയും മരുന്ന് വിതരണവും
- മെഡിക്കൽ ക്യാമ്പ്
- ആരോഗ്യ ബോധവൽക്കരണ ക്ലാസ്
- മൊബൈല് വെറ്റിനറി യൂണിറ്റ്
- വാക്സിനേഷന്
പ്രവര്ത്തനസമയം : രാവിലെ 09 മുതല് ഉച്ചയ്ക്ക് 3 വരെ വിലാസം : ഗവ.വെറ്ററിനറി ആശുപത്രി , ആലമുക്ക്, പൂവച്ചല് പി ഒ - 695575 ഇമെയില് : poovachalvd.ahd@kerala.gov.in |
പൂവച്ചല് കൃഷിഭവന്
പൂവച്ചല് ഗ്രാമപഞ്ചായത്തിന്റെ പരിധിയിൽ വരുന്ന കർഷകർക്ക് ആധുനിക കാർഷിക സാങ്കേതികവിദ്യകളും ശാസ്ത്രീയ കൃഷിരീതികളും സംബന്ധിച്ച അറിവുകൾ ലഭ്യമാക്കുന്നതിനായി പൂവച്ചല് പഞ്ചായത്ത് കാര്യാലയത്തോട് ചേർന്ന് കൃഷിഭവൻ പ്രവർത്തിച്ചുവരുന്നു. കാർഷിക വികസന കർഷക ക്ഷേമ വകുപ്പിന്റെ വിവിധ പദ്ധതികൾ, ജനകീയാസൂത്രണ പദ്ധതികൾ, സബ്സിഡികൾ, പരിശീലന പരിപാടികൾ എന്നിവ കർഷകരിലേക്ക് എത്തിക്കുന്നതിൽ കൃഷിഭവൻ പ്രധാന പങ്കുവഹിക്കുന്നു. കർഷകരുടെ ഉൽപ്പാദനക്ഷമതയും വരുമാനവും വർധിപ്പിക്കുന്നതിനും സുസ്ഥിര കാർഷിക വികസനം ഉറപ്പാക്കുന്നതിനുമായി വിവിധ സേവനങ്ങളും മാർഗനിർദേശങ്ങളും ഇവിടെ ലഭ്യമാക്കുന്നു.
ലഭിക്കുന്ന സേവനങ്ങൾ
- കൃഷി സഹായങ്ങൾ & സബ്സിഡി
- കർഷക ക്ഷേമ പദ്ധതികൾ
- കൃഷി വികസന പദ്ധതികൾ
- കർഷക രജിസ്ട്രേഷൻ
- കര്ഷക പെന്ഷന്
|
ഫിഷറീസ് എക്സ്റ്റന്ഷന് ഓഫീസ്
മത്സ്യത്തൊഴിലാളികൾക്കും മത്സ്യകർഷകർക്കും സർക്കാർ പദ്ധതികളും സഹായങ്ങളും ലഭ്യമാക്കുന്ന പ്രധാന കേന്ദ്രമാണ് ഫിഷറീസ് എക്സ്റ്റൻഷൻ ഓഫീസ്. മത്സ്യബന്ധനം, മത്സ്യകൃഷി, ക്ഷേമ പദ്ധതികൾ , ജനകീയാസൂത്രണപദ്ധതികള് എന്നിവയിൽ സഹായം നൽകുന്നു. ഗ്രാമപഞ്ചായത്ത് ഓഫീസിനോട് ചേര്ന്ന് ഇതിനായി മത്സ്യ കര്ഷക ക്ലബ് പ്രവര്ത്തിച്ചു വരുന്നു
ലഭിക്കുന്ന സേവനങ്ങൾ
- മത്സ്യബന്ധന ഉപകരണങ്ങൾക്ക് സബ്സിഡി
- മത്സ്യവിത്ത് വിതരണം
- മത്സ്യകൃഷി പദ്ധതികൾ
- പെൻഷൻ & ഇൻഷുറൻസ്
- മത്സ്യത്തൊഴിലാളി രജിസ്ട്രേഷൻ
- പരിശീലനവും ബോധവൽക്കരണവും
|
ഡയറി ഫാം ഇൻസ്ട്രക്ടർ ഓഫീസ്
ഡയറി ഫാം ഇൻസ്ട്രക്ടർ ഓഫീസ് ഗ്രാമീണ ക്ഷീരവികസനത്തിനും പാലുത്പാദന വർധനവിനും സഹായിക്കുന്ന പ്രധാന സ്ഥാപനമാണ്. കർഷകരെയും ക്ഷീരകർഷകരെയും ശാസ്ത്രീയ ഡയറി ഫാമിംഗ് രീതികളിൽ പരിശീലിപ്പിക്കുകയും ആവശ്യമായ സാങ്കേതിക സഹായങ്ങൾ നൽകുകയും ചെയ്യുന്നതാണ് പ്രധാന ലക്ഷ്യം.
ലഭിക്കുന്ന സേവനങ്ങൾ
- പരിശീലനം & ബോധവൽക്കരണം
- തീറ്റപുല് കൃഷി പ്രോത്സാഹനം
- ക്ഷീര സഹകരണ സംഘങ്ങളിലെ പാല് ഗുണനിലവാരം മെച്ചപ്പെടുത്തല്
- ക്ഷീര കര്ഷക സഹായകേന്ദ്രം
|
സംയോജിത ശിശു വികസന ഓഫീസ്
സംയോജിത ശിശു വികസന ഓഫീസ് ശിശു–മാതൃ ക്ഷേമവും കുട്ടികളുടെ സമഗ്ര വികസനവും ലക്ഷ്യമാക്കി പ്രവർത്തിക്കുന്ന സർക്കാർ പദ്ധതിയാണ്. ഈ പദ്ധതിയുടെ സേവനങ്ങൾ നൽകുന്ന അടിസ്ഥാന യൂണിറ്റുകളായി പഞ്ചായത്തിൽ 43 അങ്കണവാടികൾ പ്രവർത്തിക്കുന്നു. ആറ് വയസ്സിന് താഴെയുള്ള കുട്ടികൾ, ഗർഭിണികൾ, മുലയൂട്ടുന്ന അമ്മമാർ, കൗമാരപ്രായത്തിലുള്ള പെൺകുട്ടികൾ, 15 മുതൽ 45 വയസ്സ് വരെ പ്രായമുള്ള സ്ത്രീകൾ എന്നിവരാണ് ഈ പദ്ധതിയുടെ പ്രധാന ഗുണഭോക്താക്കൾ.
ലഭിക്കുന്ന സേവനങ്ങൾ
- അനുപൂരക പോഷകാഹാരം
- രോഗപ്രതിരോധ കുത്തിവയ്പ്പ്
- ആരോഗ്യ പരിശോധന
- പരാമര്ശ സേവനം
- സ്കൂള് പൂര്വ്വ അനൗപചാരിക വിദ്യാഭ്യാസം
- ആരോഗ്യ പോഷണ വിദ്യാഭ്യാസം
|
വില്ലേജ് എക്സ്റ്റന്ഷന് ഓഫീസ്
ഗ്രാമപഞ്ചായത്തിലെ വിവിധ വികസന–സേവന പ്രവർത്തനങ്ങൾ ജനങ്ങളിലേക്കെത്തിക്കുന്ന പ്രധാന കേന്ദ്രമാണ്. ഭവനപദ്ധതികൾ, തൊഴിൽ പദ്ധതികൾ, സാമൂഹ്യ സുരക്ഷാ പദ്ധതികൾ നടപ്പിലാക്കുന്നു. വിവിധ സര്ക്കാര് പദ്ധതികളുടെ ഗുണഭോക്താക്കളെ കണ്ടെത്തൽ, അപേക്ഷാ പരിശോധന, ഫീൽഡ് സർവേ, റിപ്പോർട്ടിംഗ് എന്നീ ചുമതലകളും നിര്വ്വഹിക്കുന്നു.
ലഭിക്കുന്ന സേവനങ്ങൾ
- ഭവന പദ്ധതികൾ (ലൈഫ്, PMAY)
- സ്വയംതൊഴിൽ & ഗ്രാമവികസന പദ്ധതികൾ
- തൊഴിലുറപ്പ് പദ്ധതി സേവനങ്ങൾ
- ശുചിത്വം, മാലിന്യ സംസ്കരണം & ആരോഗ്യബോധവൽക്കരണം
- കുടുംബശ്രീ & വനിതാ ശാക്തീകരണ സഹായങ്ങൾ
- സാമൂഹ്യസുരക്ഷാ പെൻഷൻ ഫീൽഡ് അന്വേഷണം
- സർട്ടിഫിക്കറ്റ് & റിപ്പോർട്ട് തയ്യാറാക്കൽ സഹായം
- സർവേകളും ഡാറ്റാ ശേഖരണ പ്രവർത്തനങ്ങളും
- ബി.പി.എൽ. അർഹത പരിശോധന
|